HIGH SCHOOL TALENT SHOW 2019

Kuri uyu wa gatandatu tariki 29 Kamena 2019 mu Ishuri Ryisumbuye rya Mutagatifu Visenti Muhoza habereye amarushanwa yo kwerekana impano zitandukanye arizo kuririmba, kubyina ndetse no kwerekana imideri.
Ni ku nshuro yayo ya kane aya marushanwa ahuza ibigo by’amashuri yisumbuye byo mujyi wa Musanze akaba ategurwa n’abanyeshuri bo mu Ishuri Ryisumbuye rya Mutagatifu Visenti Muhoza.
Muri aya marushanwa hatanzwe ibihembo ku baririmbyi bane ba mbere,amatsinda atatu mu kubyina.
Hahembwe Best photogenic model(Umunyamideli uzi kwifotoza neza),popularity(umunyamideri ukunzwe), 2nd Runner up(Igisonga cya kabiri) , 1st Runner up(Igisonga cya mbere) ,Top model na Mister mu bakobwa no mu bahungu.

Ikamba rya top model ryegukanywe na Uwambaje Clarisse wiga mu Ishuri Ryisumbuye rya Mutagatifu Visenti Muhoza mu mwaka wa kane Ishami ry’Imibare ,Ubugenge n’ikoranabuhanga (MPC), Mister n’igisonga cya mbere cya Top model bose baturutse mu ishuri ryisumbuye rya ESIR naho igisonga cyambere cya mister aturuka muri MIPC.

Uwambaje Clarisse wabaye Top model ni nawe kandi wegukanye ikamba rya Photogenic.
Itsinda ry’ababyinnyi ryo mu ishuri rya MIPC niryo ryegukanye umwanya wa mbere mu kubyina.

Itsinda African Mirror niryo ryaje ku mwanya wa kabiri.

Itsinda rya gatatu mu kubyina ryo mu ishuri rya SONRISE
MFITEMUKIZA ALICE wiga mu Ishuri Ryisumbuye rya Mutagatifu Visenti Muhoza niwe wabaye uwa mbere mu marushanwa yo kuririmba indirimbo ziri mu njyana ya Gakondo.

Ibirori byashojwe no gutanga certificate kubateguye iki gikorwa ari bo:Nalumansi Djalia na Cyuzuzo Yvette

Umwanditsi w’inkuru CYUZUZO YVETTE   @mediaclub