GARUKA USHIME

Ku cyumweru tariki 30 Kamena 2019 mu Ishuri Ryisumbuye Mutagatifu Visenti Muhoza habereye igikorwa cya GARUKA USHIME ku banyeshuri baharangije mu myaka yashize guhera ishuri rigitangira kugera mu mwaka wa 2018.

Iki gikorwa cyabimburiwe n’isengesho , nyuma yaho umuyobozi mukuru w’ishuri Soeur UWANYIRIGIRA Christine atanga ikaze ku bari bitabiriye iryo huriro. Nyuma yo gutanga ikaze, itorero ry’ishuri Indatirwabahizi ryasusurukije abari bicaye muri salle.

Mu icyo gikorwa hatowe kandi abahagarariye abandi mu ma "promotion" atandukanye hamwe n’abahagarariye ihuriro Garuka Ushime.
Komite y’ihuriro rya "Garuka Ushime":
Komite y'ihuriro Garuka ushime igizwe n'abantu 7 aribo: Umuyobozi mukuru,Umuyobozi wungirije,Umunyamabanga,Umubitsi n'abajyanama 3

Uhereye ibumoso:

• Umuyobozi:NIYIGENA Anne
• Umwungirije:UZIKWAMBARA Leoncie
• Umunyamabanga:MANIRIHO Nathalie
• Umubitsi:UWIZEYIMANA Belyse
Abajyanama:
• BENIHIRWE Flora
• MFITUMUKIZA Vestine
• NKUNDABAYO Marie Louise

Umuyobozi w’ishuri yabatambagije ishuri abereka ibikorwa binyuranye.
nyuma y’ibyo hakurikiyeho ubusabane mu nzu mberabyombi y’ishuri.

Uwo munsi utagira uko usa wasojwe n’igitambo cya Misa.
Umwanditsi w’inkuru UWASE Diane  @mediaclub